తెలంగాణ ఎక్స్ ప్రెస్ న్యూస్ : మైలార్దేవపల్లిలోని దుర్గా కన్వెన్షన్ హాల్లో బుధవారం ఉపాధ్యాయ దినోత్సవ వేడుకలు ఘనంగా నిర్వహించారు. ఈ కార్యక్రమానికి రాజేంద్రనగర్ నియోజకవర్గ ఎమ్మెల్యే ప్రకాష్ గౌడ్ ముఖ్య అతిథిగా హాజరయ్యారు. ముందుగా ఆదర్శ ఉపాధ్యాయుడు, మాజీ రాష్ట్రపతి డాక్టర్ సర్వేపల్లి రాధాకృష్ణన్ చిత్రపటానికి పూలమాలలు వేసి నివాళులర్పించారు. అనంతరం మండల స్థాయి ఉత్తమ ఉపాధ్యాయుల పురస్కార ప్రదానోత్సవం నిర్వహించారు. ఉత్తమ సేవలు అందించిన ఉపాధ్యాయులను ఎమ్మెల్యే ప్రకాష్ గౌడ్ శాలువాలతో సత్కరించి జ్ఞాపికలు, పురస్కారాలు అందజేశారు. ఈ సందర్భంగా ఎమ్మెల్యే ప్రకాష్ గౌడ్ మాట్లాడుతూ, విద్యార్థుల భవిష్యత్తుకు బాటలు వేస్తూ వారిని ఉత్తమ పౌరులుగా తీర్చిదిద్దడంలో ఉపాధ్యాయుల పాత్ర ఎంతో కీలకమని అన్నారు. సమాజ నిర్మాణంలో గురువులు అందిస్తున్న నిస్వార్థ సేవలను కొనియాడారు. కార్యక్రమంలో మండల విద్యాధికారి శంకర్ రాథోడ్, యూటీఎఫ్ జిల్లా అధ్యక్షుడు గోపాల్ నాయక్, ప్రధానోపాధ్యాయులు చంద్రశేఖర్ రెడ్డి, రవి, శ్రీనివాస్తో పాటు పెద్ద సంఖ్యలో ఉపాధ్యాయులు, విద్యాశాఖ అధికారులు, స్థానిక నాయకులు పాల్గొన్నారు.