బడుగు, బలహీన వర్గాల హక్కుల కోసం చేసిన పోరాటం చిరస్మరణీయం
తెలంగాణ ఎక్స్ప్రెస్ న్యూస్, కామారెడ్డి: తెలంగాణ వీరనారి చాకలి ఐలమ్మ వర్ధంతి కార్యక్రమాన్ని బీసీ సంక్షేమ శాఖ ఆధ్వర్యంలో ఘనంగా నిర్వహించారు. ఈ సందర్భంగా స్థానిక సంస్థల అధికారులు, ప్రజాప్రతినిధులు, బీసీ సంఘాల నాయకులు ఐలమ్మ చిత్రపటానికి పూలమాలలు వేసి నివాళులర్పించారు.
ఈ సందర్భంగా కలెక్టర్ ఎన్.వి. గిరి మాట్లాడుతూ.. అణగారిన వర్గాల హక్కుల కోసం చాకలి ఐలమ్మ సాగించిన పోరాటం, ఆమె ధైర్యసాహసాలు నేటి తరానికి స్ఫూర్తిదాయకమని అన్నారు. సామాజిక అన్యాయానికి వ్యతిరేకంగా ఐలమ్మ చేసిన పోరాటం చరిత్రలో చిరస్థాయిగా నిలిచిపోయిందన్నారు.
సామాజిక అసమానతలకు వ్యతిరేకంగా ఐలమ్మ చూపిన ధైర్యం, పట్టుదలను ప్రతి ఒక్కరూ ఆదర్శంగా తీసుకోవాలని సూచించారు. ప్రభుత్వం అమలు చేస్తున్న బీసీ సంక్షేమ కార్యక్రమాలను అర్హులైన ప్రతి ఒక్కరికీ చేరేలా అధికారులు కృషి చేయాలని తెలిపారు.
అనంతరం ఐలమ్మ పోరాట స్ఫూర్తిని చాటిచెప్పేలా కళాజాత బృందం ఆధ్వర్యంలో సాంస్కృతిక కార్యక్రమాలు నిర్వహించారు. ఈ కార్యక్రమంలో జిల్లా కలెక్టర్ రవితేజ, డీపీవో అధికారి నారాల వెంకట్ రెడ్డి, డీఎంహెచ్ఓ నరేంద్ర, ఏపీవో చక్రధర్, బీసీ, ఎంబీసీ సంఘాల నాయకులు, ప్రజానిధులు తదితరులు పాల్గొన్నారు.