తెలంగాణ ఎక్స్ ప్రెస్ న్యూస్ : సమాజంలో తోటివారికి సహాయం చేయడంలో ముందుండే ప్రముఖురాలు ఉమా మహేశ్వరీ రెడ్డి, మరోసారి తన మంచి మనసు చాటుకున్నారు. రాజేంద్రనగర్ ప్రాంతంలోని ప్రభుత్వ పాఠశాలలు మరియు స్థానిక నిరుపేద విద్యార్థుల సంక్షేమాన్ని దృష్టిలో ఉంచుకుని ఆమె నూతన ఉత్సాహంతో సేవా కార్యక్రమాలను చేపట్టారు. ఈ కార్యక్రమంలో భాగంగా విద్యార్థులకు అత్యంత ఉపయోగకరమైన పాదరక్షలు (బూట్లు), చలికాలం నుంచి రక్షణగా ఉండేందుకు వెచ్చని దుప్పట్లు , అలాగే మధ్యాహ్న భోజనం వేడిగా ఉండేందుకు వీలుగా హాట్‌పాక్స్ ను చిన్నారులకు స్వయంగా అందజేశారు. ఈ సందర్భంగా ఉమా మహేశ్వరీ రెడ్డి మాట్లాడుతూ.. విద్యార్థులు ఎటువంటి ఇబ్బందులు లేకుండా విద్యను అభ్యసించడమే తమ ప్రధాన ధ్యేయమని పేర్కొన్నారు. ముఖ్యంగా పేద విద్యార్థులకు కనీస వసతులు కల్పించడం ద్వారా వారిలో ఆత్మస్థైర్యం నింపవచ్చని ఆమె అభిప్రాయపడ్డారు. చలి తీవ్రత పెరుగుతున్న నేపథ్యంలో దుప్పట్లు, అలాగే పాఠశాలకు వెళ్లే పిల్లలకు బూట్లు, లంచ్‌బాక్సులు పంపిణీ చేయడం పట్ల విద్యార్థుల తల్లిదండ్రులు, స్థానిక ప్రజలు ఆమెకు ప్రత్యేక కృతజ్ఞతలు తెలిపారు. ఈ కార్యక్రమంలో పలువురు స్థానిక ప్రముఖులు, నాయకులు మరియు పాఠశాల ఉపాధ్యాయులు పాల్గొన్నారు.